Superliga. “Nasaf” “Bunyodkor”ni yirik hisobda mag‘lub etdi

Superliga. “Nasaf” “Bunyodkor” ustidan yirik g‘alabaga erishdi

Futbol bo‘yicha O‘zbekiston Superligasining 21-turidan joy olgan navbatdagi bahs yakuniga yetdi.

“Nasaf” — “Bunyodkor”

Qarshining “Nasaf” jamoasi o‘z maydonida Toshkentning “Bunyodkor” klubini qabul qildi. Uchrashuv mezbonlarning 3:0 hisobidagi ishonchli va yirik g‘alabasi bilan tugadi.

Bellashuvning 14-daqiqasida Abbos G‘ulomov raqib darvozasini ishg‘ol qilib, qarshiliklarni hisobda oldinga olib chiqdi. 37-daqiqada Bekjon Rahmatov hisobni 2:0 ko‘rinishiga keltirdi. O‘yin yakuniga yaqin, aniqrog‘i 87-daqiqada Sharof Muhitdinov jamoasining uchinchi golini urib, uchrashuvga nuqta qo‘ydi.

Ushbu natijadan so‘ng “Nasaf” hisobidagi ochkolar soni 31 taga yetdi va qarshiliklar Superliga turnir jadvalida 7-o‘rinni egallab turibdi. Mag‘lubiyatga uchragan “Bunyodkor” esa 19 ochko bilan 15-pog‘onada joylashgan.

O‘zbekiston Superligasi, 21-tur

“Nasaf” — “Bunyodkor” 3:0

Gollar: 1:0 — G‘ulomov (14), 2:0 — Rahmatov (37), 3:0 — Muhitdinov (87).